Октябрĕн 12-мĕшĕнче районти территориллĕ суйлав комиссийĕ суйлав участокĕсен комиссийĕсен председателĕсемпе, секретарĕсемпе анлă канашлу ирттерчĕ. Çакă, суйлав умĕнхи канашлăва районти шалти ĕçсен сотрудникĕсем, пушар хуралĕн ĕçченĕсем, телефон çыхăнăвĕн ĕçченĕсем хутшăнчĕç. Канашлăва районти территориллĕ комисси председателĕ А.С.Терентьев ертсе, йĕркелесе пычĕ. Вăлах вырăнти самоуправленийĕн суйлав компанийĕн тапхăрĕ мĕнлерех пыни çинчен информаци туса пачĕ. Район прокурорĕн помощникĕ А.Колчин суйлав йĕркине пăснăшăн явап тыттарасси пирки чарăнса тăчĕ. Территориллĕ комисси председателĕн заместителĕ Л.А.Читнаева секретарĕ Н.А. Белков суйлав докуменчĕсемпе мĕнлерех ĕçлемеллине ăнлантарса пачĕç. Телефон çыхăнăвĕ- суйлав кунĕнче чи кирли. Кун пирки районти 11-мĕш линипе техника начальникĕ А.М.Счетчиков тухса калаçрĕ.