Эпир пĕлтернĕччĕ ĕнтĕ, октябрĕн 7-11-мĕшĕсенче Мускав хулинче Пĕтĕм Раççейри "Ылтăн кĕркунне-2005" выставка иртнĕ. Унта Чăваш Енри ялхуçалăх предприятийĕсем йышлăн тухса кайнă. "Чи лайăх апат-çимĕç" конкурсра вĕсенчен нумайăшĕ Дипломсемпе медальсене тивĕçнĕ. Ытти çулсенчи пекех, пирĕн районти "Çĕрулмие мухтав" агрофирма та хăй çитĕнтернĕ продукципе курава хутшăннă. Çĕрулми вăрлăхĕ туса илес ĕçри пысăк кăтартусемшĕн агрофирмăна РФ Ял хуçалăх министерствин II степеньлĕ Дипломне тата кĕмĕл медаль парса чысланă. Çак ятпа вĕсене ăшшăн саламлатпăр, яланах çапла маттур, ĕçчен пулма çирĕп сывлăх сунатпăр.