Районта кăçалхи октябрĕн 1-мĕшĕ тĕлне 7044 пуç е пĕлтĕрхи çак вăхăтринчен 385 пуç сахалрах мăйракаллă шултра выльăхсем тытаççĕ. Ĕнесен йышĕ те 109 пуç чакнă. Уйрăмах çакă "Алга", "Красный Октябрь", "Культура", "Победа" хуçалăхсенче палăрать. Акă, "Красный Октябрь" хуçалăхра 119 пуç мăйракаллă шултра выльăхран 27 анчах юлнă. 15 ĕне пур. Сыснасем 16 хуçалăхра çеç юлчĕç. Кăçал "Алга" ял хуçалăх кооперативĕнче пĕтернĕ. "Красный Октябрь" хуçалăхра 152 пуçран 9 пуç, "Культурăра" 121 пуçран 40 пуç, "Победăра" 205 пуçран 33 пуç сысна çеç тăрса юлнă. "Пайгас", "Турхан", "Изамбаево, "Рассвет" хуçалăхсемсĕр пуçне пур çĕрте те чакнă. Çапла вара районĕпе халĕ 4747 пуç е иртнĕ çулхи çак вăхăтринчен 1437 пуç сысна сахалланнă. Ĕç выльăхĕсене, лашасене те чакараççĕ. Районĕпе пĕлтĕрхинчен 124 пуç сахалрах тытаççĕ. Выльăх йышĕ пĕчĕкленет, çакă продукци калăпăшĕ çине витĕм кỹрет.