Сергей Спиридонов шкулта кĕçĕн классенче вĕреннĕ чухнех шашка-шахмат вăййисене юратнă. Уншăн çак спортри кашни пĕчĕк çитĕнỹ те пысăк çĕнтерỹ вырăнне пулнă. Ашшĕ-амăшĕ те çакăнта Сергейшăн пысăк пулăшу пулнă. Мĕншĕн тесен хăйсен юратнă ачи ăмăртусенче паллă шашистсемпе шахматистсене çĕнтерсе малти вырăнсене йышăнни савăнăç кỹнĕ. Сергей пĕре кăна мар районти тупăшусенче, республикăри турнирсенче çĕнтерỹçĕсен шутне кĕнĕ, пĕрремĕш вырăн йышăнса ылтăн медале, хаклă парнесене тивĕçнĕ. Октябрĕн 25-27-мĕшĕсенче çак çамрăк, 20 çул таранхи яшсемпе вăй виçсе, шахмат хăми çинче хăвăрт выляссипе республика турнирĕнче виççĕмĕш вырăн, бронза медаль çĕнсе илнĕ. Вăйă швейцар системипе 7-9 турпа иртнĕ. Вăйă вăхăчĕ- 25 минут. Кунта Сергейăн республикăри тахçанах паллă шахматистсемпе вăй виçмелле пулнă. Çухалса кайман спортсмен, хăйĕн тĕллевне пурнăçласа виççĕмĕш призер пулса тăнă.Саламлатпăр, малашне те спортра ăнăçу сунатпăр.