Мерăсем йышăннă пулин те, районта пушар хăрушлăхĕ çухалмасть-ха. Кăçал 23 пушар пулнă. Унта 607 пин тенкĕлĕх пурлăх кĕлленнĕ. Пĕтĕм пушар уйрăм çынсен хуçалăхĕсенче сиксе тухнă. Кĕркуннехи-хĕллехи тапхăрта вут-çулăм хăрушлăхĕ татах та ỹсет. Халăх хуçалăхĕн объекчĕсене пушартан сыхлас, уйрăм çынсене хăрушлăхран асăрхаттарас тĕллевпе район пуçлăхĕ Г.Ф.Волков ятарлă постановлени йышăннă. Вут-çулăмран сыхланас тĕлĕшпе туса ирттермелли мероприятисене палăртнă.