Хаваслисемпе тавçăруллисен "Старт" лигин çурмафиналти вăййисем Елчĕкре иртнĕ. Унта пирĕн районти "Девушки в черном", йĕпреçсен "Пришельцы", Шупашкар хулинчи "Джентльмены удачи", Вăрнарти "Знай наших", Çĕнĕ Шупашкарти "Crasy", Елчĕк районĕнчи "Шиш" тата "Адреналин" командисем тупăшнă. Вĕсем "Эпĕ çăва мĕнле ирттертĕм" (саламлани) тата "Кĕрхи марафон" (килти ĕç) конкурссенче пултарулăхне кăтартнă. Пирĕн район команди хăйне лайăх енчен палăртнă. Малашне те хаваслисемпе тавçăруллисене тĕрлĕ конкурссенче ăнăçу тата çĕнтерỹ сунатпăр.