Ĕнесен шучĕ пĕрлешỹллĕ хуçалăхсенче çулсеренех чакса пырать. Хальхи вăхăтра вĕсен йышĕ ял хуçалăх кооперативĕсемпе колхозсенче, фермер хуçалăхĕсенче 2197 пуç шутланса тăрать. Хăшпĕр хуçалăхсем çак выльăха йăлтах пĕтерчĕç. Сĕт паянхи кун çав-çавах тупăшлă продукци шутланать. Хĕле хирĕç сĕтĕн сутлăх хакĕсем те ỹсрĕç. Паянхи кун районти пĕрлешỹллĕ хуçалăхсем талăксерен 18 тонна ытла сĕт суса илеççĕ, унăн 87 проценчĕ е 16037 килограмĕ патшалăха сутăнать. Уйрăмах сĕт "Восток", "Асаново" (2226-2168 килограмм) хуçалăхсем ытларах патшалăха сутаççĕ. Уйрăм халăхсенчен сĕт пуçтарас енĕпе "Труд" ял хуçалăх кооперативĕнче лайăх ĕçлеççĕ. Кунта талăксерен 1077 килограмм сĕт ял çыннисенчен туянаççĕ. Хальлĕхе шартлама сивĕ-семех тăмаççĕ-ха. Çавăнпа та фермăсене юсаса хĕле хатĕрлес енĕпе туса çитереймен ĕçсене вĕçлемелле, чỹречесене, алăксене сивĕ витене кĕресрен хупламалла. Паянхи кун фермăсенчи ĕнесенчен чылайăшĕ пĕтĕ. Çамрăк пăрусене сыхласа хăварас, вĕсене ỹсме кирлĕ условисем туса парас енĕпе тимлĕрех ĕçлесчĕ.