Агропромышленноç комплексĕнче ял хуçалăх техники кивелсе çитнĕ. Çавна шута илсе кашни хуçалăхăнах техникăна хĕл каçма тирпейлесе лартма тăрăшмалла. Тирпейсĕр пăхса усрани техника юрăхсăра тухасси патне илсе пырать. ЧР ял хуçалăх министерстви ку енĕпе çулсеренех конкурс ирттерет. Кăçал та йĕркеленĕ ăна. Комисси пирĕн районти "Заря" ял хуçалăх кооперативĕ конкурс-ра 3-мĕш вырăн йышăннине палăртнă. Хуçалăх министерство Дипломне тивĕçнĕ.