Пĕтĕм тĕнчери Инвалидсен кунне халалласа ноябрĕн 30-мĕшĕнче, декабрĕн 1-мĕшĕнче Çĕнĕ Шупашкарта республикăри инвалидсен VII спорт фестивалĕ иртнĕ. Спорт ăмăртăвĕсене 300 ытла инвалид хутшăннă. Вĕсем шашка, шахмат хăмисем çинче, çăмăл атлетика спортĕнче, дартс тата сĕтел çинчи теннис енĕпе мала тухассишĕн тупăшнă. Инвалидсен спорт фестивалĕ икĕ ушкăнра иртнĕ: çитĕннисем тата çул çитмен ачасем хушшнче уйрăммăн. Пирĕн районтан фестивале хутшăннă Сергей Бормотин çитĕннисем хушшинче тупăшнă. Вăл сĕтел çинче теннисла выляса пĕрремĕш вырăн çĕнсе илнĕ, пĕрремĕш степеньлĕ диплома тата фестивалĕн хаклă парнине тивĕçнĕ. Сергей Владимировичăн çĕнтерĕвне ылтăн медальпе те хакланă. Саламлатпăр инвалид-спортсмена, малашне те спортра чаплă çи-тĕнỹсем тума çирĕп сывлăх, тулли телей, ăнăçу сунатпăр.