ЧР Министрсен Кабинечĕн йышăнăвĕпе республикăра çулсеренех "Çулталăк çемйи" конкурс иртет. Пирĕн районтан унта кăçал районти тупăшура çĕнтернĕ Курицынсем хутшăнма плтарчĕç. Валентина Николавевнăпа Алексей Георгиевич Тукай ялĕнче пурăнаççĕ. Ялти çынсем хисеплеççĕ çак мăшăра. Вĕсен виçĕ ывăл çитĕнет. Асли, Дима, И.Ульянов ячĕллĕ ЧПУ III курс студенчĕ. Николай Елчĕк районĕнчи Курнавăшри лицейра 11-мĕш класра вĕренет. Каччă спортпа та туслă. Кĕçĕнни вара, Стас, 5 çулта çеç-ха, садике çỹрет. Ачисем вĕсен йăхне тăсакансем, çемье йăли-йĕркисене упракансем пуласса шанать ашшĕ-амăшĕ. Курицынсен çемье реликвийĕ пур. Хушпупа сурпана, тевете йăхри хĕрарăмсем ăруран ăрăва парса хăвараççĕ. Тăваттăмĕш ăру шанчăклă упрать реликвие. Республикăри "Çемье çулталăкĕ" конкурсăн пĕтĕмлетĕвĕнче Курицынсен çемйи ятарлă хавхалантару призĕ илме тивĕç пулнă.