ЧР Ял хуçалăх министерствин ларусем ирттермелли залĕнче яллă вырăнта производство сферинче ĕçлеме кадр-сем суйласа илес енĕпе ĕçлекен комиссин черетлĕ ларăвĕ иртнĕ. Ăна Чăваш Республикин вице-премьерĕ, ял хуçалăх министрĕ М.Игнатьев ертсе пынă. Правительство комиссийĕ районти "Красное Сормово" ял хуçалăх кооперативĕн ертỹçинче ĕçлеме тăратнă Анатолий Егорович Потемкин кандидатурине пăхса тухнă. Унăн 5 çуллăха хатĕрленĕ бизнес-проекчĕпе паллашнă. Кандидат ку хуçалăхра пахчаçимĕç тата тырпул культурисен лаптăкĕсене пысăклатасшăн. Çакна тума паянхи кун ыйтакан технологипе усă курасшăн. Ĕçлекенсен ĕç укçине ỹстермелли çăлкуçсем шырас тĕллевлĕ. Комисси пĕр саслăн А.Е.Потемкина асăннă хуçалăха ертсе пыма шаннă.