Çĕнĕ çулхи хĕллехи каникул кунĕсем хыçа юлчĕç. Ачасем канма та, савăнма та ĕлкĕрнĕ. Хирти Явăш вăтам шкулĕнче вара çак вăхăтра спорт ăмăртăвĕ йĕркеленĕ. Шашкăна юратакан 20 ытла спортсмен тупăшăва тухнă. Кам кама çĕнтерет? Куракансем те йышлăн пулнă. Чи нумай очко пухса ăмăртура Владимир Давыдов пĕрремĕш вырăн çĕнсе илнĕ. Иккĕмĕшпе виççĕмĕш вырăнсенче- Владимир Зайцевпа Рустем Асейнов. Ачасене каникул кунĕсенче канма тата пултарулăха аталантарма май пани паха.