Чăваш Республикин Журналистсен союзĕнче иртнĕ эрнере Çемен Элкер, Николай Никольский тата Леонид Ильин премийĕсене илме тăратнă ĕçсене хакланă, кăçалхи çĕнĕ лауреатсене палăртнă. Çемен Элкер премине "Хыпар" ИÇ генеральнăй директорĕн- тĕп редакторĕн çумĕ Г.А.Максимов "Хыпар" хаçатра тата "Тăван Атăл" журналта, "Сталин грамоти" кĕнекере политика, экономика тата культура ыйтăвĕсемпе пичетленнĕ статьясемшĕн, "Советская Чувашия" хаçат" ПУП гендиректорĕ- тĕп редакторĕ А.Г.Соловьев "Çывăхри тата аякри Япони" очерксен ярăмĕшĕн илме тивĕç пулнă. Ĕçтешсене саламланă май çакна та каласа хăварасшăн. Геннадий Максимов- Нĕркеç ялĕнчен. Журналист ĕçне "Октябрь ялавĕ" ("Каçал ен") хаçатра пуçăннă. Нĕркеçрен тухнă çыравçăсем хушшинче Çемен Элкер премине маларах тивĕçнисем тата виçççĕн: Лаврентий Таллеров, Хветĕр Агивер, Николай Коновалов.