...Районсенчи лару-тăрупа кăсăкланса Комсомольски район администрацийĕн информатизации тата обществăпа çыхăну тытакан пайĕн тĕп специалисчĕ Н.Розова патне шăнкăравларăмăр. Новелла Николаевна çапла пĕлтерчĕ: "Кăрлачăн 22-мĕшĕнче, канмалли куна пăхмасăрах, ларусен залĕнче ял тăрăхĕсен пуçлăхĕсемпе, предприяти-оганизаци ертỹçисемпе халăха ăшăпа вăхăтра тата кăлтăксăр тивĕçтерес ыйтупа лару иртрĕ. Тĕрлĕ сферăри объектсене, промышленноç предприятийĕсене, халăха электроэнергипе тата ăшăпа туллин тивĕçтересси йĕркеллĕ пурнăçланса пырать..." Ытти районсенчен те хальтерех каланă шухăша çирĕплетекен хыпарсем килчĕç. Кăрлач сивви тем пекех шатăртаттарчĕ пулин те, вăл та парăнма тытăннăн туйăнать: урамра ĕнерхинчен ăшăрах.