Районта шкул ачисем хушшинче тĕрлĕ предметсемпе олим-пиадăсем иртеççĕ. Акă, право пĕлĕвĕсем енĕ-пе 9-мĕш классем хушшинче Асанкасси вăтам шкулĕнчи Марина Бахтерова пĕрремĕш вырăна тухнă. Аслă Чурачăк, Комсомольски 1-мĕш вăтам шкулĕн-чи Ярослав Никифоровпа Максим Митюков та лайăх пĕлỹ кăтартнă. 9-11-мĕш классем хушшинче вырăс чĕлхипе олимпиада иртнĕ. Кунта Комсомольски пĕрремĕш тата иккĕмĕш, Çĕнĕ Мăрат, Хирти Мăнтăр, Тăманлă Выçли вăтам шкулĕсенче вĕренекенсем палăрнă. Тутар чĕлхине лайăх пĕлнине Чĕчкен тĕп тата Тукай Мишер вăтам шкулĕсенчи ачасем аван кăтартса панă. Олимпиадăсем ытти предметсемпе те иртнĕ. Шкулсенче тарăн пĕлỹ илнĕ вĕренекенсем унта хастар хутшăнчĕç, хăйсен тавракурăмне анлăн палăртрĕç. Олимпиадăсен çĕнтерỹçисем республикăра район чысне хỹтĕлĕç.