Конкусра çĕнтернĕ

Яллă вырăнта производствăна ертсе пыракан пултаруллă кадрсем суйласа илесси малалла пырать. Нумаях пулмасть унăн черетлĕ ларăвĕ иртнĕ. Маларах кандидатсене пĕрремĕш тапхăрта тĕпченĕ пулнă. Комисси членĕсем пирĕн районти "Алга" ял хуçалăх кооперативне ертсе пыма тăратнă Нурислам Гилачевич Мифтахутдинов бизнес-проектне ырланă. Вăл конкурсăн тепĕр тапхăрĕнче те çĕнтернĕ. Халĕ çак хуçалăха Н.Мифтахутдинов ертсе пырĕ. Министр çумĕ çитсе курнă Аслă Чурачăк вăтам шкулĕ- районта чи ваттисенчен пĕри. Çурчĕ кивелсе çитнĕ. Юлашки çулсенче çак шкула çĕнĕрен тăвас ыйтăва çĕкленĕ. Нумаях пулмасть унта ЧР вĕрентỹ тата çамрăксен политикин министрĕн çумĕ Ю.М.Толстов тата проектантсем пулса курнă, шкул ĕçĕ-хĕлĕпе паллашнă.

Малтисен йышĕнче

Раççей ял хуçалăх академийĕн Пĕтĕм Раççейри А.А.Никонов ячĕллĕ аграри ыйтăвĕсен тата информатика институчĕ Раççей аграри фончĕпе пĕрле 2002-2004 çулсен пĕтĕмлетĕвĕсем тăрăх Раççейре ял хуçалăх продукчĕ туса илекен предприятисен пĕтĕмĕшле рейтингне пичетленĕ. Çĕрулми туса илес енĕпе ĕçлекен 100 хуçалăх хушшинче пирĕн районти "Рассвет" ял хуçалăх кооперативĕ те пур.

Чупăва хутшăннă

Февралĕн 12-мĕшĕнче Шупашкарта "Раççейри йĕлтĕр йĕрĕ" массăллă чупу иртнĕ. Унта пирĕн районти спорта юратакан 150 çын хутшăнчĕ. Вĕсенчен чи ватти- ĕçпе вăрçă ветеранĕ С.И. Зубарев. Çĕнĕ Мăрат, Тăманлă Выçли, Нĕркеç, Хирти Мăнтăр, Хырхĕрри шкулĕсенче вĕренекенсем те массăллă чупăва тухрĕç. Йĕлтĕрçĕсем сувенирсене тивĕçнĕ.