Тĕрĕслеве хатĕрленĕ Тракторсем, прицепсем тата хăй тĕллĕн çỹрекен ытти техника çул çине юсавлă тухтăр, хăрушлăх кăларса ан тăраттăр тесе çулсеренех техника тĕрĕслевĕ ирттереççĕ. Унта техникăна тĕплĕн тĕрĕслесе ĕçлеме ирĕк параççĕ. Пирĕн ра- йонта, малтанлăха палăртнă тăрăх, ун пек тĕрĕслевсем мартăн 24-мĕшĕнчен, "Труд" ял хуçалăх кооперативĕнчен пуçланмалла. Унччен ытти хуçалăхсен те тракторсене тата ытти техникăна тĕплĕнрех хатĕрлемелле. Тĕрĕслевре кăлтăксем ан пулччăр тесе тăрăшмалла. 

Тĕлпулу иртĕ Район администрацийĕ, агропромышленноçра ĕçлекенсен профсоюз комитечĕ çулсеренех çулталăкра кашни ĕнерен 5000 тата 4000 килограмм сĕт суса илнĕ дояркăсене пуçтарса тĕлпулу ирттерет. 5 пинлисен тата 4 пинлисен клубĕсем те пур. Кăçал çак уява мартăн 6-мĕшĕнче палăртаççĕ. Иртнĕ çул сĕт сăвас енĕпе 4-5 пин чиккисем урлă каçнă дояркăсем чылай. Вĕсене клубсен членĕсене илĕç.