Февралĕн 25-мĕшĕнче Тăманлă Выçлири вăтам шкул спортзалĕнче Виктор Тумаков воин-интернационалиста асăнса (кăçалхипе вунçиччĕмĕш çул) волейбол турнирĕ иртрĕ. Вунă команда хутшăнчĕ ăмăртăва. Спортсменсене афганецсем В.Тумаковпа пĕрле вĕреннисем, ял çыннисем тата ытти те саламларĕç. Вăйă хыççăн вăйă иртет площадкăра. Хĕрỹ тупăшура аслисем хушшинче Аслă Чурачăкран килнĕ волейболистсем пĕрремĕш вырăна çĕнсе илчĕç, куçса çỹрекен кубокпа парнене тивĕçрĕç. Тăманлă Выçлири "Пайгас" ял хуçалăх кооперативĕн команди- иккĕмĕш, çак ялти студентсен команди виççĕмĕш вырăна тухрĕç. Шкулсенчен килнĕ вĕренекенсенчен вара Шурут вăтам шкулĕн командине çитекенни пулмарĕ- финалта вĕсем Тăманлă Выçлири вăтам шкулти юлта-шĕсене çĕнтерчĕçех. Виççĕмĕшсем- Аслă Чурачăк вăтам шкул ачисем пулчĕç.