Пахалăх тĕп вырăнта 2003 çулта Раççейри патшалăх стандарчĕ сĕте çĕнĕ ГОСТпа йышăнасси пирки постановлени йышăннă. Унпа килĕшỹллĕн сĕт пахалăхне пысăк вырăна хураççĕ. Ра-йонти "Слава" тата "Восток" ял хуçалăх кооперативĕсем иртнĕ çулах сĕте çĕнĕ ГОСТ-па сутма тытăннă. Унта "Делаваль" фирмăн сĕт пăрăхĕсене тата сивĕтмелли хатĕрсене вырнаçтарнă. Çакă сĕте пысăк сортпа сутма май парать. Çавăнпа та хушма укçа-тенкĕ кĕрет. Иртнĕ çул "Слава" хуçалăх Шупашкарти сĕт заводне янă сĕтĕн 96 проценчĕ, "Восток" ко-оперативăн 92 проценчĕ пысăк сортпа сутăннă.

Лизингпа ĕçлеççĕ Районти хуçалăхсем техника туянас тĕлĕшпе "Чувашагролизингпа" тата "Чувашсельхозбанкпа" ăнăçлă ĕçлеççĕ. Кăçал пилĕк Дон-1500 комбайн, çĕрулми туса илмелли пĕр комплекс, ултă МТЗ трактор, икĕ вите валли сĕт сумалли оборудовани, пĕр К-701 трактор илме заявкăсем панă. Вĕсене кредит шучĕпе туянаççĕ, 8 çултан тỹлесе татмалла. Ял хуçалăхĕнчи техника кивелсе çитнĕ. Çĕнни ĕç тухăçлăхне аванах ỹстерме пулăшĕ.