Мартăн 16-мĕшĕнче Хирти Мăнтăр вăтам шкулĕн спортзалĕнче республикăри командăсем хушшинче волейбол турнирĕ иртрĕ. Ăна Хирти Мăнтăр ялĕнчи тĕрлĕ "вĕри точкăсенче" пуçĕсене хунă 4 салтака чысласа ирттертĕмĕр. Ăмăртусене 5 команда хутшăнчĕ. Шупашкарти строительство "Старко" фирмин, Комсомольски, Патăрьел районĕсен, Нĕркеç, Хирти Мăнтăр ялĕсен командисем пулчĕç. Пĕрремĕш вырăна "Старко", иккĕмĕш вырăна Патăрьел, виççĕмĕшне Нĕркеç командисем йышăнчĕç. Вăйăсене хутшăнса пилĕк команда та палăрчĕç. Вĕсем Хисеп грамотисемпе парнесем илме тивĕç пулчĕç. Спонсорсем те укçа-тенкĕ шеллемерĕç. О.Кондратьев, А.Медведев, Н.Михайлов предпринимательсем, "Турхан" ЯХПК тата вăтам шкул палăрчĕç. Чи лайăх вылякансене те манса кайман. Вĕсене те Хисеп грамотисемпе, парнесемпе чысларĕç.