Вĕрентỹ системинче информациллĕ технологипе усă курассине хăвăртлатма хавхалантармалли механизма йĕркелес направлени тата "Районта 2006-2010 çулсенче пĕрлехи вĕрентỹ информаци калăпăшне аталантармалли çинчен" тĕллевлĕ программа ĕçлеççĕ. Унпа килĕшỹллĕн январĕн 10-мĕшĕнчен пуçласа апрелĕн 8-мĕшĕччен "Форт Диалог. User-2006" ятпа педагогсемпе вĕренекенсен компьютер творчествин фестивалĕ иртет. Çак фестиваль пынă вăхăтрах районта "Вĕрентỹ учрежденийĕнчи чи лайăх сайт" тата компьютер графикине тата анимаци студийĕн "Цифровой ветер" конкурссем йĕркеленĕ. Кунта пĕрремĕш вырăна Комсомольски 1-мĕш вăтам шкулĕн сайчĕ чи лайăххи пулнă. Иккĕмĕшпе виççĕмĕш вырăнсенче- Комсомольски 2-мĕш тата Урмаел вăтам шкулĕн сайчĕсем. Компьютер графикин тата анимаци студийĕн конкурсĕнче Комсомольски 1-мĕш вăтам шкулĕнчи М.Амерханов, С.Индюков, Л.Сизов мала тухнă. Урмаел тата Анат Тимĕрчкасси вăтам шкулĕсенчи студисем иккĕмĕш вырăн йышăннă. Виççĕмĕш вырăнта- Тăманлă Выçли, Кĕçĕн Çĕрпỹел, Çĕнĕ Мăрат вăтам шкулĕсем. Çĕнтерỹçĕсене парнесемпе йăлара усă курмалли техника сутакан "Лидер" магазин (Ю.Н.Любимов) тивĕçтернĕ. Программировани енĕпе иртнĕ районти олимпиадăра Комсомольски 2-мĕш вăтам шкулĕнче 11-мĕш класра вĕренекен Д.Алексеев, А.Васильев, А.Хамидуллов лайăх пĕлỹ кăтартнă. Фестиваль малалла пырать.