Кредит илеççĕ "АПК аталанăвĕ" наци проекчĕпе килĕшỹллĕн, килти хушма хуçалăх тытакансене, хресчен-фермер хуçалă-хĕсене ял хуçалăх производствине аталантарма çăмăллатнă кредитсем парасси малалла пырать. Паянхи кун тĕлне "Россельхозбанк" УАОн Чăваш Енти регионаллă филиалĕнчен килти хушма хуçалăха аталантарма районти 4 çын 1 миллион та 95 пин тенкĕ çăмăллатнă кредит илнĕ. Кашни хуçалăх пуçне вăтамран 274 пин тенкĕ лекет. Кунсăр пуçне, 20 хуçалăх документсем тăратнă. Илнĕ кредитпа ăратлă выльăх, выльăх апачĕ, вăрлăх, минераллă удобренисем туянма, выльăх-чĕрлĕх валли хуралтăсем тума усă курĕç. Çак кредита РФ Перекет банкĕн районти уйрăмĕ, "Тан" кредит кооперативĕ урлă та илме май пур. 

Раççей шайĕнче мала тухнă Хусан хулинче мартăн 15-18-мĕшĕсенче Раççей Федерацийĕнчи тата СНГна кĕрекен çĕршывсенчи ачасем хушшинче тутар чĕлхипе тата литературипе олимпиада иртнĕ. Унта Раççейри 18 регионтан 19 команда хутшăннă. Пирĕн район чысне Чĕчкенти пĕтĕмĕшле пĕлỹ паракан тĕп шкул вĕренекенĕ Ильяс Мезитов хỹтĕленĕ. Вăл 9-мĕш классем хушшинче 3-мĕш вырăн йышăннă. Çавăн пекех Ильяс М.Джалиль поэт 100 çул тултарнă ятпа ирттернĕ литература викторининче та палăрнă. Кунта та вăл 3-мĕш вырăна тивĕçнĕ. Ăна Дипломсемпе, свидетельствăпа наградăланă. Пултаруллă вĕренекене Р.Р.Мезитова олимпиадăна хатĕрленĕ, уншăн учителе Хисеп грамоти парса чысланă.