Нумаях пулмасть районти хурт-хăмăрçăсем пĕрле пуçтарăнса канашлу ирттерчĕç. Районти ял хуçалăх кооперативĕсемпе колхозсенчи утарсен ĕçĕ-хĕлĕ пирки тата çуркунне, çулла вĕсенче тумалли мероприятисем пирки хурт-хăмăр енĕпе ĕçлекен М.Г.Пильщикова зоотехник доклад туса панă. Вĕлле хурчĕсен инфекциллĕ чирĕсем пирки районти ветеринари лабораторийĕн заведующийĕ Н.Р.Ахметов чарăнса тăнă. Утарсенче çуркунне пурнăçламалли ĕçсем тата çак тапхăрта усă курмалли препаратсем пирки "ЧР хурт-хăмăр агент-ствин" директорĕ, ял хуçалăх наукисен кандидачĕ Г.А.Максимов каласа панă. Вăл республикăра хурт-хăмăр отраслĕ мĕнле аталанса пынипе, çĕнĕлĕхсемпе те паллаштарнă. Пĕрлешỹллĕ хуçалăхсенчи утарçăсем те, килте хурт-хăмăр тытакансем те ăна чылай ыйту панă.