Пирĕн республикăра шахмат вăййине малалла аталантарас енĕпе юлашки çулсенче тимлĕх уйăраççĕ. тĕрлĕ çулсенче çуралнă яшсемпе хĕрсем хушшинче Шупашкарта çулсеренех вăйăсем йĕркелесе ирттереççĕ. Кăçалхи январĕн 4-10-мĕшĕсенче Шупашкарта 20 çула çитмен çамрăксем хушшинче шахматла выляса мала тухассишĕн республика турнирĕ иртнĕ. Çак ăмăртăва пирĕн районтан Сергей Спиридонов (вăл районти тĕп больницăра экономистра ĕçлет) шахматист хутшăннă. 36 спортсмен хушшинче Сергей иккĕмĕш вырăн йышăннă. Ăна дипломпа медаль парса чысланă. Сергея малалла тата тĕрлĕ вăйăсене хутшăнса çĕнтерỹпе таврăнма ăнăçу сунатпăр.