Районта шкул çулне çитмен ачасем валли ача сачĕсем çителĕксĕр. 6,5 çул таранхи 1713 ачаран 595-шĕ çеç садике е ун йышши ушкăна çỹрет. Район центрĕнче те 125 вырăнлă икĕ ача сачĕ çеç. Кунсăр пуçне Урмаелĕнче, Хирти Мăнтăрта, Аслă Çĕрпỹелĕнче, Хирти Явăшра та шкул çулне çитмен ачасен учрежденийĕсем ĕçлеççĕ. Çавăн пекех шкулсенче кĕске вăхăтлăх ушкăнсем йĕркеленĕ. Пĕчĕккисем унта 8-13 сехетсенче пулаççĕ. Ун пеккисене 10 шкулта йĕркеленĕ. Вĕсемпе ятарлă программăпа занятисем ирттереççĕ, вăйăсем выляттараççĕ. Малашне район центрĕнче татах садиксем тума палăртнă.