Мартăн 15-мĕшĕнче Çĕнĕ Шупашкар хулинчи "Химик" культура керменĕнче "Веселый башмачок" хореографи конкурсĕ иртнĕ. Унта тĕрлĕ хуласенчен тата районсенчен 15 коллектив хутшăннă. Пирĕн районти искусство шкулне 2 педагог хỹтĕленĕ: Т.Е.Иванова тата Л.Н.Григорьева. Конкурс виçĕ номинаципе иртнĕ: классика, халăх тата эстрада ташшисем. Жюри членĕсем конкурса пĕтĕмлетнĕ чухне ачасен пултарулăхĕпе педагогсен ĕçне те хакланă. Районти искусство шкулĕ çулсеренех конкурссене хутшăнса малти вырăнсене çĕнсе илет. Хальхинче те вĕсем çĕнтерỹпе таврăннă. Т.Е.Иванова хатĕрленĕ классика ташшипе 2-мĕш вырăна (кĕçĕн ушкăн), халăх ташшипе 3-мĕш вырăна (кĕçĕн ушкăн), вăтам ушкăнрисем эстрада ташшипе 1-мĕш вырăна тивĕçнĕ. Л.Н.Григорьева хатĕрленĕ халăх ташшипе вăтам ушкăн 3-мĕш, кĕçĕн ушкăн 2-мĕш вырăна тухма пултарнă, грамотăсем илме тивĕçнĕ. Çак ятпа эпир вĕсене саламлатпăр. Малашне те ăнăçу сунатпăр.