Районти культура ĕçченĕсем 2006 çула пĕтĕмлетсе семинар-канашлу ирттерчĕç. Канашлура канупа культура учрежденийĕсен, библиотека, музей, искусство шкулĕн ĕçĕ-хĕлне хакланă. Район администрацийĕн культура пайĕн начальникĕ В.С.Васильев 2006 çулта пурнăçланă ĕçсене пĕтĕмлетсе, тухса калаçнă. Çынсен канăвне усăллă йĕркелес енĕпе Асанкасси (ертỹçи И.Портнов), Урмаел (ертỹçи Г.Ялюкова), Йỹç Шăхаль (ертỹçи Л.Козлова) культура çурчĕсем, Аслă Чурачăкри социаллă культурăллă центрĕ (Е.Шуряшкина) лайăххисен йышĕнче. Вĕсем культура пайĕн грамотисене тивĕçнĕ. Çавăн пекех районти "Комсомольское" канупа культура çурчĕ, Кивĕ Сĕнтĕр, Йăлмахва культура çурчĕсем маттур ĕçлесе пынине палăртнă. Руфина Смирнова (Йăлмахва), Галина Ванюркина (Кивĕ Сĕнтĕр) культура çурчĕн директорĕсем тăрăшса ĕçленĕшĕн Хисеп грамотисене тивĕçрĕç. "Районти чи лайăх библиотека" ята Тукай ял поселенийĕн моделлĕ библиотеки (заведующийĕ Валентина Толокнова) çĕнсе илнĕ. Çавăн пекех Анат Тимĕрчкасси (заведующийĕ Л.Филиппова), Нĕркеç (Е.Волкова), Аслă Çĕрпỹел (Г.Любимова), Эльпуç (Е.Павлова) ялĕсен моделлĕ библиотекисем аван ĕçлесе пынине каларĕç. 2006 çула пĕтĕмлетсе, хакласа çитес çулхи плансемпе тĕллевсене палăртрĕç.