2003-2005 çулхи ĕçсене пĕтĕмлетсе Раççейре чи пысăк тухăçпа ĕçлекен хуçалăхсене палăртнă. Экономика кăтартăвĕсемпе "Агро-300" клуб лидерсен списокне хатĕрленĕ. Уйрăмах тĕштырă, çĕрулми, сĕт-çу, аш-какай, пахчаçимĕç туса илес енĕпе чи лайăх ĕçлесе пыракан ял хуçалăх организацийĕсене палăртнă. Пирĕн районта тĕштырă, çĕрулми тата ытти продукцине туса илес енĕпе ăнăçлă ĕçлесе пыраççĕ. Акă, "Рассвет", "Слава" ЯХПК çĕрулми туса илес енĕпе тухăçлă ĕçленĕ. Çавна май рейтинга кĕме пултарнă. Вĕсем 1 гектартан 250-300 центнер "иккĕмĕш çăкăр" пуçтарса илнĕ. Тухăç-лăхĕпе Раççей шайĕнче палăрнă. Малашне вĕсем тата тухăçлăрах ĕçлессе шанатпăр.