Район администрацийĕн ларусем ирттермелли пысăк за-лĕнче утарçăсен канашлăвĕ иртнĕ. Унта ял хуçалăх предприятийĕсенчи хурт-хăмăр пăхакансем çеç мар, уйрăм хуçалăхсенче пыл хурчĕсем тытакансем те хутшăннă. Ăна ял хуçалăх пайĕн тĕп зоотехникĕ К.Г.Гимальдинов уçнă. Районти хурт-хăмăр енĕпе ĕçлекен тĕп зоотехник М.И.Пильщикова сăмах илсе ял хуçалăх предприятийĕсенчи хурт-хăмăр мĕнле лару-тăрура пулнипе паллаштарнă. Канашлу ĕçне Республикăри хурт-хăмăр агентствин директорĕ Г.А.Максимов та хутшăннă. Пуçтарăнисене çак отрасльти çĕнĕлĕхсем, эмелсем тата ытти пирки те каласа панă. Утарçăсен чылай ыйтăвĕсем çине хуравланă. Канашлăвăн тĕп тĕллевĕ пыл хурчĕсене хĕл каçнă хыççăн çăва кăларасси пулнă.