Март уйăхĕн 27-мĕшĕнче район администрацийĕн пысăк за-лĕнче агрономсен черетлĕ канашлăвĕ пулчĕ. Канашлăва район пуçлăхĕ Г.Ф.Волков уçрĕ. Ял хуçалăх пайĕн начальникĕ Г.М.Киргизов районти ял хуçалăх предприятийĕсем еплерех ĕçлесе пынине пĕтĕмлетсе каларĕ. Ăнăçлă, тухăçлă ĕçлекен кооперативсене палăртса хăварчĕ. Районта РФ, ЧР тĕллевлĕ программисем еплерех ĕçлесе пынипе паллаштарчĕ. Тĕслĕхрен, районта хушма хуçалăха аталантарма кредит илекенсен йышĕ пысăк. Ăна пурте тĕллевлĕн усă курнине те палăрт-малла. 2006 çула пĕтĕмлетсе çакна та калама пулать. Лайăх ĕçлесе пыракан ял хуçалăх предприяти-йĕсенче ĕç укçи ỹснĕ. Тĕслĕхрен, "Труд", "Искра" хуçалăхсенче ĕçченсем 4 пин тенкĕ ытла шалу илеççĕ. "Победăра" вара 1800 тенкĕпе çеç танлашать. Пĕлтĕр çĕрулми туса илессипе те тухăçлă ĕçленĕ. Уйрăмах "Слава картофелю" агрофирма" ООО, "Рассвет" "Слава" ЯХПКсем ку енĕпе тухăçлă ĕçлеççĕ. Георгий Михайлович çурхи ака ĕçĕсене те тĕплĕн хатĕрленмеллине каларĕ. Ял хуçалăх пайĕн тĕп агрономĕ И.Х.Минетуллин 2006 çулхи кăтартусемпе паллаштарчĕ, 2007 çулхи тĕллевсене палăртрĕ. Чылай тĕслĕх илсе кăтартрĕ. Ял хуçалăхĕнче кашнинех тăрăшса ĕçлемеллине каларĕ. Çĕрулми, тĕштырă тухăçлăхне ỹстересси агрономсенчен чылай килет. Çавăнпа та шанса панă ĕçе пĕлсе, вăхăтра пурнăçламалла. Канашлура В.М.Мутиков профессор сăмах илчĕ. Çĕр ĕçĕнче çĕнĕ технологисемпе усă курмаллине тĕплĕн каласа пачĕ. Ыйтусем çине туллин хуравларĕ. Çавăн пекех хăнасем - "Август" фирма ХАО представителĕ С.Н.Мелецков, "Агриматко" ХАО менеджерĕ С.М.Филиппова, "Восток" ООО председателĕ Л.А.Смирнова, "Агрорус-Волга" представителĕ В.А.Васильев уй-хир ĕçĕнче усă курмалли çĕнĕлĕхсемпе паллаштарчĕç. Хăйсен ĕçĕ çинче чарăнса тăчĕç. Агрономсене тухăçлă ĕçлес тесен тĕрлĕ химикатсемпе, ятарлă препаратсемпе усă курма сĕнчĕç. Кăмăл пулсан, ял хуçалăх предприятийĕсемпе ăнăçлă ĕçлеме пултарнине каларĕç. Вĕсен сăмахĕсенче агрономсем валли çĕнни, пĕлмелли чылай пулчĕ. Районти вăрлăх инспекцийĕн начальникĕ Н.В.Чернова тухса калаçрĕ. 2005 çултанпа çĕнĕ ГОСТпа ĕçленине тепĕр хутчен асăрхаттарчĕ. Надежда Васильевна вăрлăх тасалăхĕ питĕ пĕчĕк шайра пулнине, кондицие ларман вăрлăхсем нумаййине пĕлтерчĕ. Паянхи куна 14 ял хуçалăх кооперативĕнче çĕрулми вăрлăхĕ кирлĕ шайра мар. Çавна май тухăçлăхĕ чакма пултарать. Канашлура ỹсентăрансене хỹтĕлес енĕпе ĕçлекен районти тĕп агроном - А.Н.Смирнов, "Россельхознадзор" управленийĕн инспекторĕ Н.В.Воронова сăмах илчĕç. Агрономсен канашлăвĕнче тĕп проблемăсене сỹтсе яврĕç, кăçалхи çула тĕллевсем лартрĕç, пĕр-пĕрин паха опычĕпе паллашрĕç.