Ял хуçалăх предприятийĕсене аталанса пыма патшалăх чылай пулăшу кỹрет. Тĕслĕхрен, пĕлтĕр Раççей Федерацийĕпе республика бюджечĕ 20 миллион та 646 пин тенкĕ субсиди уйăрнă, çав шутран 11519 пин тенкĕ ỹсентăран отрасльне аталантарма, 3043 пин тенкĕ выльăх-чĕрлĕх туянма, ытти вара кредитăн процент ставкисене саплаштарма кайнă. 2007 çула валли РФ, ЧР Правительствин постановленийĕпе килĕшỹллĕн çĕр тухăçлăхне ỹстерме 2898 пин тенкĕ, выльăх-чĕрлĕхе аталантарма - 6524 пин тенкĕ, çав шутран ăратлисене туянма - 1306 пин тенкĕ, имçам туянма - 1860 пин тенкĕ, элита вăрлăх илме - 1800 пин тенкĕ, дизтопливо валли те компенсаци уйăрма палăртнă.