Комсомольскинче «Çĕнĕ шкул - вунă çулта»  программăпа килĕшÿллĕн «Ĕç рынокĕ: унпа çыхăннă ыйтусене татса парасси» темăпа «çавра сĕтел» йĕркеленĕ. Унта районти ĕç сĕнекен предприятисемпе учрежденисен ертÿçисем тата халăха ĕçпе тивĕçтерекен центр специалисчĕсем хутшăннă. Вĕсенчен чылайăшĕ хăйсем патĕнче мĕнле профессие хака хуни, паян тата малашне мĕнле ĕç вырăнĕ пурри тата пуласси çинчен тĕплĕн паллаштарнă. «Пире техникăпа, автоматика хатĕрĕсемпе ĕçлекенскм  ытларах кирлĕ. Анчах слесаре, токаре е ахаль рабочисене те йышăнатпăр, вĕсене малалла вĕрентсе чăн-чăн профессионал ретне тăма пулăшатпăр», - тени чылай вĕренекене килĕшнĕ.

Малтанхи пĕтĕмлетÿ тăрăх,  кăçал вĕренсе тухакн çамрăксенчен вуннăшĕ ытла ĕç профессийĕсен вĕренÿ заведенине кайма хирĕç марри, темиçе каччăпа хĕр шкул хыççăнах хăйсене районти предприятисенче ĕçлесе тĕрĕслеме хатĕр пулни çинчен пĕлтернĕ.