Районти ял хуçалăх предприятийĕсенче техника тĕрĕслевĕсем малалла пыраççĕ. "Слава картофелю" агрофирма" ООО хыççăн "Луч", "Турхан", "Дубрава", "Кызыл сабанча" хуçалăхсенче те тĕрĕслев иртнĕ. Комисси "Луч" ял хуçалăх кооперативĕнче техосмотра япăхрах хатĕрленнине палăртнă. Хăшпĕр механизаторсем пĕлтĕрхи çитменлĕхсене те пĕтермен. Кунти 13 прицепран 2-шĕ çеç юсавлă. "Турхан" хуçалăхра вара иртнĕ çулхинчен лару-тăру лайăх енне улшăнни палăрать, çапах та çитменлĕхсем те пур-ха. "Дубрава", "Кызыл сабанча" хуçалăхсенчи пекех, çỹлерех асăннă ял хуçалăх кооперативĕсенче те механизаторсен кадрĕсем çитменни палăрать. Техосмотр вăхăтĕнче тупса палăртнă çитменлĕхсенчен чылайăшĕ механизаторсенчен çеç килекеннисем. Вĕсене пĕтерме чылай укçа-тенкĕ кирлĕ мар. Район администрацийĕн ĕç хăрушсăрлăхĕ енĕпе ĕçлекен тĕп специалисчĕ Н.В.Прокопьев тĕрĕслевре пулса механизаторсемпе калаçу ирттернĕ. Техосмотр малалла пырать.