"Искра" колхозри, Минатуллин фермер хуçалăхĕнчи хирсенче тракторсем çĕртмене, нумай çул ỹсекен курăксене сỹрелеççĕ. Акă, Минатуллин фермер хуçалăхĕнче 60 ытла гектар кĕр тыррисене, çавăн чухлех нумай çул ỹсекен курăксене апатлантарнă. "Искра", "Труд", "Слава", "Пайгас" хуçалăхсенче çĕрулмине яровизацилеме кăларнă. "Слава картофелю" агрофирма" ООО 250 тонна "иккĕмĕш çăкăр" суйласа лартма хатĕрленĕ. "Искра", "Труд" хуçалăхсенче пĕрчĕллĕ тата пăрçа йышши тырăсен вăрлăхне имçамлаççĕ. Çак кунсенче ку ĕçе "Слава картофелю" агрофирмăра" та пуçласшăн. Ака-суха ĕçĕсем пуçланнă-ха. Анчах та тĕрлĕ ялсенче тĕрлĕ вăхăтра çĕр пиçсе çитет. Çавăнпа та вăл е ку хуçалăхра хире тухнă-ха тесе хыпаланмах кирлĕ мар. Çĕр пулса çитессе кĕтмелле. Вăрлăхсене хатĕрлесе çитермелле. Паха вăрлăх çеç пысăк тухăç илме май парĕ.