Çак кунсенче "Слава картофелю" агрофирма" ООО генеральнăй директорĕ Мускаври "Грин Терра" компанин ертỹçипе В.Чигирьпе тĕл пулнă. Ку компани тĕнче шайĕнчи стандарта тивĕçтерекен пахалăхлă тураса тата тасатса хатĕрленĕ пахчаçимĕçсемпе салатсем туса кăларать. Тĕлпулу вăхăтĕнче асăннă предприяти çитĕнтерекен çĕрулмирен апата хатĕр продукци хатĕрлес ыйтăва хускатнă. Ку эрнере вара район пуçлăхĕ Г.Ф.Волков апат-çимĕç промышленноçĕ валли оборудовани кăларакан Германири "ELMA" компанин представителĕсене йышăннă. Районпа кĕскен паллашнă хыççăн çĕрулмине тирпейлес ыйтусем çинче чарăнса тăнă. Генеральнăй менеджер Рольф Айтинг, Федор Франц тата Сааян Хоборков çĕрулмине тирпейлекен оборудовани çинчен тĕплĕн каласа панă.