2007 çулхи январĕн 29-мĕшĕнчи ЧР Министрсен Кабинечĕн 15 № "2007 çулта Пĕрлехи патшалăх экзаменĕсен экспериментне хутшăнасси" çинчен калакан постановленийĕпе ЧР Вĕрентỹ тата çамрăксен политикин министерстви хушăвĕпе килĕшỹллĕн районта математика, вырăс чĕлхи, физика, хими, биологи, географи, Раççей историйĕ, обществознани, ют чĕлхе предмечĕсемпе ППЭ ирттерме йышăннă. Çавăнпа пĕрлех кăçал 9-мĕш класс пĕтерекенсем те математика тата вырăс чĕлхипе çак йĕркепе патшалăх экзаменне тытаççĕ. Ытти предметсене выпускниксем хăйсем суйласа илеççĕ. Роспотребнадзор экзамен кунĕсене палăртнă та ĕнтĕ. Çĕртме уйăхĕн 1-мĕшĕнче математикăпа, 7-мĕшĕнче - вырăс чĕлхипе. Районта ППЭ Комсомольски 1-мĕш, 2-мĕш вăтам шкулĕсенче ирттерме палăртнă. Çавна май шкул директорĕсен А.С.Терентьевпа Г.Е.Длиновăн экзамен ирттерме çителĕклĕ классем хатĕрлемелле. Район администрацийĕн вĕрентỹ пайĕн, информаципе методика центрĕн специалисчĕ А.А. Яковлев ППЭ ирттерес ĕçре яваплă. Комсомольски 1-мĕш вăтам шкулĕнче "Диагностикăпа консультаци центрĕн" директорне В.И.Кириллова, 2-мĕш вăтам шкулта П.В.Родионова экзаменсене йĕркелесе пыма çирĕплетнĕ. Районти шалти ĕçсен пайĕн, тĕп больницăн ĕçченĕсен дежурство йĕркелемелле. Ачасене ППЭ тытма илсе килессишĕн шкул директорĕсем яваплă.