Чăвашпотребсоюз çулсеренех хăйĕн тытăмĕнчи ĕç коллективĕсен хушшинче «Чи лайăх продукци» конкурс ирттерет. Конкурсăн 2006 çулхи пĕтĕмлетĕвĕсенче çакă паллă пулчĕ.

«Чи лайăх консерв продукцийĕ»  номинацире пĕрремĕш вырăна «Элĕкри улма-çырла комбиначĕ» акционерсен обществи тивĕçнĕ. Иккĕмĕш вырăнта та Элĕксемех – райпо, виççĕмĕшсем – Çĕрпÿри  «Пищевик-Плюс» акционерсен тулли мар яваплă обществи.

«Чи лайăх çăкăр-булка продукцийĕ» номинацие конкурсанстем уйрăмах йышлă хутшăнчĕç. Малти вырăнта – Канаш, Октябрьски, Сĕнтĕр, Кÿкеç райповĕсем, «Тăвай кооперативĕ» производство пĕрлешĕвĕ. Иккĕмĕш вырăна  - Муркаш,Çĕрпÿ, Красноармейски, виççĕмĕш вырăна – Пăрачкав, Йĕпреç, Комсомольски райповĕсем тухнă.

«Чи лайăх пылак шыв» номинацире Чăвашпотребсоюзăн Комсомольскинчи «Кооператор» акционерсен обществи, Вăрмар райповĕн «Нива» тата Сĕнтĕр райповĕн «Сĕнтĕр-Çăкăр» акционерсен обществисем çĕнтернĕ.  Иккĕмĕш вырăна  «Элĕкри улма-çырла комбиначĕ»,  Элĕк райповĕ, Хĕрлĕ Чутай райповĕн «Янтарь» обществи, виççĕмĕшне – Етĕрне райповĕн «Советскинчи çăкăр завочĕ», Канаш райповĕн «Кооператор» тата Шупашкар универбазин «Волга» обществисем йышăннă.

Çĕнтерÿçĕсене Дипломсемпе тата хаклă парнесемпе чысланă.

Асăннă конкурс Чăвашпотребсозра кăçал малалла пырĕ. Амăрту кашни номинацирех çав тери çивĕч пуласси халех уçăмлăн курăнать.