Чăваш Республикин Президенчĕн 2007 çулхи апрелĕн 19-мĕшĕнчи 30-мĕш указĕпе ĕçри çитĕнỹсемшĕн тата Чăваш Республикин аталанăвĕшĕн нумай çул тỹрĕ кăмăлпа вăй хунăшăн тулли мар яваплă "Газ сутас енĕпе ĕçлекен Чăвашрегион компанийĕ" обществăн генеральнăй директорне Кияметдин Садыртдинович Мифтахутдинова "Чăваш Республики умĕнчи тава тивĕçлĕ ĕçсемшĕн" орден медалĕпе наградăланă. Кияметдин Садыртдинович Мифтахутдинов 1953 çулхи октябрĕн 1-мĕшĕнче Урмаел ялĕнче çуралнă. 1983 çулта Мускаври Пĕтĕм союзсен институтĕнчен вĕренсе тухнă. Çартан таврăнсан районти ял хуçалăх управленийĕнче ĕçленĕ. 1985-1988 ç.ç. районти агропромышленноç пĕрлĕхĕн председателĕн çумĕнче тăрăшнă. 1988-1991 ç.ç. "Восток" колхоза ертсе пынă. 1991 çулта ял хуçалăх управленийĕн ертỹçинче вăй хунă. 1991-2000 çулсенче район администрацийĕн пуçлăхĕнче ĕçленĕ. Ун хыççăн 2003 çулччен "Чăвашрегионгаз" ООО директорĕн çумĕ пулнă. 2003 çултанпа тĕп директор ĕçне тивĕçлĕн пурнăçлать.