Районти халăха ĕçпе тивĕçтерес енĕпе ĕçлекен центр ĕç тупайман çынсене пулăшма яланах хатĕр. Акă, кăçалхи 4 уйăхра 29 çын эпир пулăшнипе специальноç илме пултарчĕç. 10-шĕ Комсомольскинчех сварщик ĕçне вĕренсе тухрĕç. Унсăр пуçне Канашра сутуçă-кассир, ПВЭМ оператор пĕлĕвне алла илчĕç. Бухгалтерсем те хăйсен пĕлĕвне анлăлатрĕç. Пирĕн центр вĕсене вĕреннĕшĕн тỹлерĕ, стипендипе пĕрлех çул укçине те саплаштарчĕ.