Аслă Çĕнтерĕве халалласа районта чылай мероприяти иртрĕ. Спортсменсем те айккинче юлмарĕç. Вĕсем спорт форми тăхăнса стадиона тухрĕç. Район центрĕнчи тĕп стадионта футболла выляса блиц-турнир иртнĕ. Турнира сакăр команда хутшăнма кăмăл тунă. Кашнийĕшех çĕнтерме тăрăшрĕ. Хапхана пенальти тапнă самантсем вара хĕрỹ пулчĕç. Куракансем - спортсменсене хавхалантарчĕç. Районти шалти ĕçсен пайĕн "Динамо" команди ăста вăййисемпе пĕрремĕш вырăна çĕнсе илчĕ, кубока илме тивĕç пулчĕ. Уншăн А.Ефремов, С.Кокорев, И.Сиразетдинов, О.Такмаков, Владиславпа Владимир Илларионовсем, А.Краснов, А.Артемьев, М.Фролов, В.Галкин, А.Свинин, С.Плешков, В.Степанов футболистсем вылярĕç. Хирти Сĕнтĕр ял поселенийĕн "Нĕркеç" команди иккĕмĕш вырăн йышăнчĕ. Комсомольски 2-мĕш вăтам шкулĕн команди виççĕмĕш пулчĕ.