Уй-хир ĕçĕсем вĕçленнĕ хыççăн ял çыннисен пĕр вăхăт канса, савăнса илмелле. Çакна район администрацийĕ, хăшпĕр кооперативсем шута илсе кашни çулах "Акатуй" туса параççĕ. Кăçал июнĕн 10-мĕшĕнче Комсомольскинчи вăрман уçланкинче ĕçпе юрă, спорт уявне йĕркелеме палăртнă. Унăн программи пуян. "Ăстаçăсен хули" тĕрлĕ ялсенчен килнĕ хăй тĕллĕн вĕреннĕ маçтăрсен япалисемпе тĕлĕнтерĕ. Районти эстрадăна юратакансем те пултарулăхĕпе паллаштарĕç. Художество пултарулăх коллекти-вĕсем хăйсен ăсталăхне кăтартĕç. Спорт ăмăртăвĕсем те пуян пулĕç: кире пуканĕ çĕклесси, алă вăйне виçесси, ирĕклĕ майпа кĕрешесси тата ытти те.