Июнĕн 8-мĕшĕнче Йÿç Шăхаль пуçламăш шкулĕн стадионĕнче кунта çуралса ÿснĕ, вăхăтсăр пирĕнтен уйрăлса кайнă Артем Лукиянова асăнса футбол турнирĕ ирттерчĕç.

Чи малтанах пухăннисем умĕнче Вячеслав Скворцов, педагогика ĕçĕн ветеранĕ Геннадий Краснов, Анатолипе Николай Алексеевсем, А.Лукияновăн ашшĕ тата ыттисем те сăмах каларĕç, спортсменсене ăмăртура ăнăçу сунчĕç.

Малалла Тамара Казакова вĕрентекен сăмах илчĕ. «Ĕлĕкхи-авалхи йăла-йĕркепе хаклă хăнасене çăкăр-тăварпа кĕтсе илнĕ, илеççĕ те. Пирĕн ентешĕмĕре манманшăн сире пысăк тав»,— терĕ вăл.

Турнирта пурĕ 4 команда вăй виçрĕ. Ăна Вячеслав Скворцов судья йĕркелерĕ. Хĕрÿ тупăшура Мари Республикинчен килнĕ команда чи ăсти пулчĕ, пĕрремĕш вырăна тухрĕ.

М.АЛЕКСЕЕВА.