Районти хуçалăхсенче пĕрчĕллĕ культурăсене çум курăксенчен им-çамласси малалла пырать. Пурĕ ку ĕçе 8000 ытла гектар çинче пурнăçланă. Чылай хуçалăхра сиенçĕсене хирĕç им-çамлассипе те ĕçлеççĕ.

Хальхи вăхăтра выльăх апачĕ хатĕрлесси çине тĕп тимлĕх уйăрмалла. Аса илтеретпĕр: пăрçа йышши культурăсене çеçкене ларма пуçласан çулма тухмалла. Ытларах тăратсан вĕсен пахалăхĕ чакать. Хăш-пĕр хуçалăхсенче нумай çул ÿсекен курăксене пикенсех çулаççĕ. Районĕпе пурĕ1207 гектар çинче çак ĕçе пурнăçланă (планпа палăртнин 21 проценчĕ), çав шутра «Труд» ЯХПКра — 115 гектар, «Асаново» ЯХПКра — 110 гектар.

Кăçал пурĕ7230 тонна утă хатĕрлеме палăртнă. Хальлĕхе 265 тонна хатĕр. Ку енĕпе «Родина» ОООра (85 тонна), «Искра» колхозра (60 тонна), Ивановăн фермер хуçалăхĕнче (50 тонна) уйрăмах тăрăшса ĕçлеççĕ.

2 хуçалăхра сенаж хывма пикеннĕ. «Урожай» колхозра — 650 тонна, «Рассвет» ЯХПКра 350 тонна янтăланă.

Хуçалăхсен ертÿçисене выльăх апачĕ хатĕрлес ĕçсене хăвăртлатмалли çинчен аса илтеретпĕр. План тăрăх, июнĕн 25-мĕшĕ тĕлне курăксене пĕрремĕш хут çулассине вĕçлемелле.