Россия Федерацийĕн вĕренÿ тата наука министрĕн Дмитрий Ливановăн хушăвĕпе чи лайăх учительсене палăртма кашни çул ирттерекен конкурсăн çĕнтерÿçисем паллă. Раççейĕпе пурĕ 1000 вĕрентекен çак чыса тивĕçнĕ. Чăваш Енрен ку списока лекнисем — 10-ăн. Вĕсен хушшинче Комсомольски 1-мĕш вăтам шкулĕнче вырăс чĕлхипе литературине вĕрентекен Елена Сергеевна Свинина та пур.

Çĕнтерÿçĕсене Учитель кунĕ тĕлне федераллă бюджетран 200-шер пин тенкĕ парса хавхалантарĕç. Унсăр пуçне вĕсене РФ Вĕренÿ тата наука министерствин Хисеп грамотисемпе чыслаççĕ.