Районти 31-мĕш пушар чаçĕн ĕçченĕсем кулленхи ĕçре çеç мар, тĕрлĕ ăмăртура та малтисен йышĕнче. Çурла уйăхĕнче вĕсем икĕ пысăк ăмăртăва хутшăнса çĕнтерĕве алăран вĕçертмерĕç.

Канаш хулинче йĕркеленĕ çирĕп тупăшура пирĕн ĕçченсем лайăх кăтартупа палăрчĕç.

Ĕçченсен пултарулăхне тĕрлĕ енлĕн тĕрĕслерĕç. Сăмахран, вĕсем тĕттĕм пÿлĕмри вут-çулăма мĕнлерех сÿнтереççĕ, шыв çитерееççĕ-и? Палăртнă тĕллевсене çăмăллăнах парăнтарса, ĕçе çÿллĕ шайра пурнăçласа пушар чаçĕн ĕçченĕсем виççĕмĕш вырăна тивĕçрĕç. И.Порфирьев, С.Краснов, А.Прохоров, команда капитанĕ Д.Галкин ăмăртура чăннипех те хастар пулчĕç.

С.АЛЕКСЕЕВ.