«Халăх участковăйĕ» пĕтĕм Раççей шайĕнче иртекен конкурса кăçалхипе виççĕмĕш хут йĕркелеççĕ. Чи лайăх участковăя Интернетри сасăлавпа суйлаççĕ.

Конкурса яланхи пекех виçĕ тапхăрпа йĕркелеççĕ, иккĕшĕ регион шайĕнче иртет. Пĕрремĕш тапхăрта, сентябрĕн 11—20-мĕшĕсенче, конкурсантсене суйлаççĕ. Чăваш Енте пурăнакансем Чăваш Республикин шалти ĕçсен министерствин Интернетри сайтĕнчи «Халăх участковăйĕ» рубрикăра конкурса хутшăнакан кашни сотрудник ĕçĕ-хĕлĕпе туллин паллашма пултараççĕ. Кăмăла каяканнишĕн, паллах, сасăламалла. Конкурса муниципалитетсем хушшинчи «Комсомольский» пайĕнче тăрăшакан участковăйсем С.Г.Абржин, Н.В.Васильев, Н.Ф.Байдуганов, Э.Ф.Никонов хутшăнаççĕ.