Пирĕн çĕр-шывра 2004 çулхи июлĕн 1-мĕшĕччен Раççей Федерацийĕн гражданинĕ пулнине çирĕплетекен паспортсем парассине вĕçленĕ тесен те тĕрĕс. Анчах та хăш-пĕр çынсем вăл е ку сăлтава пула кивĕ йышши паспортсене улăштарман-ха. Районта кунашкаллисем саккăрăн, пурте пенси çулĕсенчисем. Сăлтавсенчен пĕри вăл — тĕшмĕш. Вĕсен шучĕпе, çĕнĕ йышши паспортра 666 число пур. Ку «сатана цифри», çавăнпа та Турра ĕненекенсем паспорта алла тытасшăн мар.

РФ Федераллă Миграци службин 339-мĕш №-лĕ приказĕпе килĕшÿллĕн, паспортăн 5-мĕш, 7-мĕш, 9-мĕш, 11-мĕш, 13-мĕш, 15-мĕш тата 19-мĕш страницисенче орнамент формипе «Россия» сăмах çырăнать. Унта нимле 666 цифра та çук.

Çавăнпа та 1974 çулти кивĕ йышши паспорта çĕннипе улăштарма йыхравлатпăр.

Улăштарма пыракансем административлă явап та тытмĕç.

А.ГАЛКИНА