Комсомольскинчи «Пилеш» ача садĕнче кашни çулах октябрь уйăхĕнче кĕр парнисенчен тунă тĕрлĕ ал ĕçĕсен конкурсне ирттереççĕ. Акă халĕ те унта ĕçлекенсем «Сана хăнана чĕнетпĕр, кĕркунне!» ятпа выставка йĕркелерĕç.

Ачасем килĕсенче ашшĕ-амăшĕпе çулçăран, пахча çи-мĕçрен, йĕкелрен тата ыттинчен ал ĕçĕсем хатĕрлерĕç, конкурса тăратрĕç.

Выставкăра пурĕ 60 ытла ĕç. Жюри членĕсем вĕсене тивĕçлĕ шайра хакларĕç. Ачасен те хăйсем тунă ал ĕçĕсене курса савăнма май пулĕ.

О.СМИРНОВА.