Кашни çулах ял хуçалăх ĕçĕсене вĕçленĕ хыççăн хуçалăхсенчи техникăна тасатса, тирпейлесе гаражсене лартмалла. Анчах та ял хуçалăх предприя- тийĕсенче пур техникăна та ятарлă вырăна лартма май çук. Ун пек чухне вара техникăна правилăсемпе килĕшÿллĕн упрамалла.

Ял хуçалăх кооперативĕсенче хĕле еплерех хатĕрленнине тĕрĕслес тесе нумаях пулмасть М.Р.Минатуллинăн фермер хуçалăхне, «Слава картофелю» агрофирмăна, «Восход» ООО-на, «Дружба», «Алга», «Труд», «Восток» ЯХПК-сене çитсе куртăм. Уйрăмах «Слава картофелю» агрофирмăра техникăна пысăк тимлĕхпе пăхаççĕ. Комбайнсемпе ытти техникăна ĕç хыççăн çуса тасатнă, ятарлă ангарсене лартнă.

Минатуллинăн фермер хуçалăхĕнчи, «Труд», «Восток» ЯХПК-сенчи техникăна та ыран-паян хатĕрлесе çитереççĕ.

Хăш-пĕр хуçалăхсенчи лару-тăру кăмăла хуçрĕ. Комбайнсене тырă вырса пĕ-тернĕ хыççăн килсе лартнă та, урăх вĕсем патне пырса курман пулас. Автомашинăсене те кирлĕ пек хатĕрлемен, ытти техникăна тасатма та вăхăт тупайман.

Çавăнпа та ял хуçалăх предприятийĕсен специалисчĕсене палăртнă ĕçсене вăхăтра пурнăçлама чĕнсе каласшăн. Ял хуçалăх техникине кирлĕ пек хатĕрлемеллех, унсăрăн килес çул епле ĕçлĕ-пĕр. Техникăна юсама сахал мар укçа-тенкĕ кирлĕ.

И.МИННЕТУЛЛИН.