Малашне сигарет туртакансемпе кĕрешме тата та çăмăлрах пулĕ. Обществăлла вырăнсенче туртакансемшĕн штраф санкцийĕсем палăрмаллах ÿснĕ. Енчен те кам та пулин ача-пăча площадкинче чĕлĕм туртсан 2—3 пин тенкĕ укçа кăларса хурĕ. Подъездра туртакан кÿрше те 500-тен пуçласа 1000 тенкĕ таран штраф тÿлеттерессе асăрхаттарăр. Кинора е театрта та сигарет реклами, чĕлĕм туртакан сценăсем пулмалла мар. Куншăн должноçрисене 20 пинрен пуçласа 50 пин тенкĕ таран штрафлама пултараççĕ. Юридици сăпатĕнчисен вара çĕнĕ саккунпа килĕшÿллĕн 100 пин тенкĕрен пуçласа 200 пин тенкĕ таран кăларса пама тивĕ. Çул çитмен ачана сигарет туртма сĕнекене 3 пин тенкĕ таран штрафлĕç.